„საპარტნიორო ფონდი" გახლავთ სპეციალურად დაარსებული ორგანიზაცია, რომელიც დღეს სუვერენულ ფონდად გარდაიქმნა. მისი დანიშნულება კერძო კომპანიების წახალისება და დახმარებაა. პროექტები, რომლებიც ბანკის მიერ ვერ ფინანსდებიან, რადგან მათ საშეღავათო პირობები სჭირდებათ, ფონდის დახმარებით საწყის ეტაპზე 25 %-იან დაფინასებას მიიღებენ. მაგალითისთვის შემიძლია გითხრათ, რომ „საპარტნიორო ფონდი" თურქულ კომპანია „ჩალიკთან" ერთად თბოელექტროსადგურის მშენებლობას გეგმავს"- ამის შესახებ გიორგი კვირიკაშვილმა გადაცემა „პოლიტმეტრში" ისაუბრა.
ვიცე-პრემიერი დასაქმების პრობლემის მოსაგვარებლად, დამწყები კომპანიების დაფინასებას გეგმავს.
„ჩვენ ვფიქრობთ, რომ ეს არჩევნები იქნება დადებითი მესიჯის მომტანი საინვესტიციო გარემოსთვის, სახელისუფლებო შტოებს შორის არსებული დაპირისპირება არჩევნების შემდეგ ნაკლებად იქნება. უახლოეს მომავალში დამწყები პროექტების დაფინანსების მექანიზმი შეიქმნება, რაც საზოგადოების ეკონომიკურ მაჩვენებელზე დადებითად იმოქმედებს. დასაქმების ზრდის ყველაზე ეფექტური გზა „სტარტ-აპ" კომპანიების დაფინანსება არის."-განაცხადა კვირიკაშვილმა.
