გაზეთ „კვირის ქრონიკის" სტატიაში, სადაც თვითმმართველობის ახალ კანონპროექტთან დაკავშირებით ბოლო დროს განვითარებულ მოვლენებზეა საუბარი, დეპუტატ თამარ კორძაიას მიერ გაკეთებული განცხადებაა დაგმობილი.

„თამარ კორძაია, პატრაიარქს რომ მანდატი აქვს და ხალხის ნდობა, ნეტავ იმის მეასედი მოგცათ პარლამენტში რაც დეპუტატები ხართ, ყველას. პატრიარქს შენი და შენისთანების მანდატი არაფერში სჭირდება. ცოტა ფრთხილად იყავი, პატრიარქთან ჭიდაობაში ბევრს წაუმტვრევია რქები და შენც ეგრე არ დაგემართოს.  ის კი არა, ზოგიერთებმა პოლიტიკური სარბიელიც მიატოვეს, რადგან პატრიარქის და საპატრიარქოს უსაგნო კრიტიკით ხალხს თავი მოაბეზრეს და  წითელი ბარათი უჩვენეს", - სტატიიდან მიმართავს ჟურნალისტი ხათუნა ელბაქიძე.