„ამერიკა უკმაყოფილებას გამოთქვამს უკრაინის ხელისუფლების გადაწყვეტილების შესახებ", - ეს აშშ-ს სახელმწიფო დეპარტამენტის ოფიციალურ განცხადებაშია ნათქვამი.
როგორც აშშ-ს სახელმწიფო მდივნმა ჯონ კერიმ აღნიშნა, უკრაინაში მშვიდობიანი პროტესტის საპასუხოდ სპეცდანიშნულების რაზმმა, ბულდოზერები და რეზინის ხელკეტები გამოიყენა. აშშ-ს მთავრობა მოუწოდებდა იანუკოვიჩს და მის მომხრეებს მოესმინათ საკუთარი ხალხისთვის, მაგრამ მათ სხვა არჩევანი გააკეთეს.
„ასეთი ქმედებები მიუღებელი და შეუსაბამოა დემოკრატიისთვის. გასულ კვირას ბრიუსელში და მოლდოვაში ვიზიტისას, მე ხაზგასმით და საჯაროდ აღვნიშნე, რომ მხარეებმა თავიდან უნდა აიცილონ ძალადობა და მოვუწოდოთ პრეზიდენტს შეასრულოს უკრაინელი ხალხის მისწრაფებები. ჩვენ მოვუწოდებთ მაქსიმალური თავშეკავებისკენ. ადამიანების ცხოვრება დაცული უნდა იყოს. უკრაინელი ხალხის უსაფრთხოებაზე სრული პასუხისმგებლობა უკრაინის ხელისუფლებას აკისრია. შეერთებული შტატები მხარს უჭერს უკრაინელ ხალხს, ისინი უკეთესს იუმსახურებენ. უკრაინის ხელისუფლებას ჩვენ შეშფოთებას ვაცნობებთ", - ნათქვამია ჯონ კერის განცხადებაში.
