რამდენიმე ადამიანი, მათ შორის სპეცრაზმელი დაშავდა კიევში „ბერკუტის" მიერ ევრომაიდანზე ბარიკატების დაშლისას. დაშავებულები საავადმყოფოებში გადაიყვანეს.
ადგილობრივი მედიის ინფორმაციით, მასობრივი არეულობები კიევში მთელი ღამის განმავლობაში გრძელდებოდა. მილიციამ და სპეცრაზმა ევრომაიდანი აქციის მონაწილეებისგან კიდევ ერთხელ გაწმინდეს. აქციის მონაწილეები სპეცრაზმელებს აქტიურ წინააღმდეგობას უწევდნენ.
ევრომაიდანზე მთელი ღამე ოპოზიციის ლიდერებიც იმყოფებოდნენ. ისინი მხარდამჭერებს სიმშვიდის შენარჩენებისა და ძალის არგამოყენებისკენ მოუწოდებნენ.
„მათ აქ მოიყვანეს ათასობით სპეცრაზმელი. „ბერკუტმა" თავდაცვის ერთი ზღუდე გაარღვია. არიან დაშავებულებიც", - განაცხადა ოპოზიციის ერთ-ერთმა ლიდერმა არსენ იაცენიუკიმ.
შინაგან საქმეთა ყოფილი მინისტრი იური ლუცენკო ხელისუფლებას ახალ მოთხოვნებს უყურებს. მისი თქმით, ოპოზიცია დიალოგზე მხოლოდ იმ შემთხვევაში წავა, თუ დაკავებულ ოპოზიციის აქტივისტებს გაათავისუფლებენ, შინაგან საქმეთა მოქმედ მინისტრს გადააყენებენ და სპეცრაზმელებს საკუთარ ყაზარმებში დააბრუნებენ.
