„ექსპო-ჯორჯიას" ტერიტორიიდან „რეპორტიორის" კორესპონდენტი „ იუწყება, სამართალდამცველებმა აქციაზე ერთი პირი დააკავეს. 

დაკავებული აქციის მონაწილე ირაკლი ჭუბაბრიაა, რომელსაც „ნაციონალური მოძრაობის" ერთ-ერთ ლიდერ გიორგი კანდელაკთან ინციდენტი მოუხდა. ინციდენტი მას შემდეგ მოხდა, რაც გამოფენის ტერიტორიაზე გიორგი კანდელაკი გამოჩნდა. მისი მისვლა აქციის მონაწილეებმა გააპროტესტეს და შეძახილებით შეხვდნენ.

როგორც „თავისუფალი საქართველოს" ლიდერი კახა კუკავა აცხადებს, „ნაციონალური მოძრაობა" ფაშისტური პარტიაა და მათ არ აქვთ უფლება, ჩაატარონ პრაიმერი და საპრეზიდენტო კანდიდატი გამოავლინონ. უახლოეს მომავალში კუკავა არასამთავროებთან ერთად პარლამენტს წინადადებით მიმართავს, რომლის მიხედვითაც მოძრაობას პოლიტიკური მოღვაწეობა აეკრძალება.