„სამართლებრივი ცნება, "არჩეული მერის იმპიჩმენტი" არ არსებობს," - ასე ეხმაურება საპარლამენტო უმცირესობის წარმომადგენელი ხათუნა გოგორიშვილი პარლამენტში დედაქალაქის მერის, გიგი უგულავას იმპიჩმენტის საკითხის განხილვას. "მე კანონის ენით მიყვარს ლაპარაკი. სამართლებრივი ცნება "არჩეული მერის იმპიჩმენტი" არ არსებობს, თუმცა, თეორიულად ამ ხელისუფლების პირობებში არაფრის გამორიცხვა არ შეიძლება. მათ შეიძლება კანონი შეცვალონ, ამის ყველანაირი რესურსი გააჩნიათ და შეიძლება დაჩქარებული წესითაც კი განიხილონ საკითხი, თეორიული შანსი ამის არსებობს, თუმცა სამართლებრივი ცნება - არა", _ აღნიშნა ხათუნა გოგორიშვილმა.