ამის შესახებ პრაიმერის ფარგლებში გამართული დებატებისას გიორგი ბარამიძემ განაცხადა. მისი შეფასებით, დღევანდელ ხელისუფლებას „ნაციონალური მოძრაობის" მიერ გადაცემული აწყობილი სისტემის გამოყენება არ შეუძლია. „ყველაფერს გავაკეთებთ, რომ ეს ხელისუფლება რაც შეიძლება მალე წავიდეს. ესაა აბსოლუტურად უუნარო მთავრობა, მან ჩაიბარა აწყობილი სისტემა, მაგრამ ამ ადამიანებს არ აქვთ წარმოდგენა, როგორ გამოიყენონ ის. ჩვენ მათ ჩავაბარეთ პოლიცია, რომლებსაც ადამიანები ადრე „ძაღლებს" ეძახდნენ, ახლა მათი გვეამაყება. დღეს გვყავს პოლიცია, რომელიც არა მარტო მზადაა დახმარებისთვის, არამედ თუ დაგჭირდა სახლამდეც გამოგყვება. მაგრამ, დღეს პოლიციელებს იმასაც აიძულებენ, თვალი დახუჭონ 8 თებერვალზე, 17 მაისზე, ათას უმსგავსობაზე, რომელიც მომრავლდა. ჩვენ ყველაფერს ამას დავუპირისპირდებით კონსტიტუციური მეთოდებით და აუცილებლად გავიმარჯვებთ", - განაცხადა გიორგი ბარამიძემ.
