საპრეზიდენტო არჩევნებში "ნაციონალური მოძრაობის"  კანდიდატი დავით ბაქრაძე იქნება. პრაიმერის საბოლოო შედეგები, რომელშიც ერთმანეთს პრეზიდენტობის კანდიდატობის ოთხი მსურველი: დავით ბაქრაძე, გიორგი ბარამიძე, ზურაბ ჯაფარიძე და შოთა მალაშხია უპირისპირდებოდნენ, "ექსპო-ჯორჯიაში" გამართულ შემაჯამებელ პრაიმერზე გამოცხადდა. თბილისის მასშტაბით შედეგები ასე გადანაწილდა: პირველ ადგილზე  დავით ბაქრაძე გავიდა, მეორეზე-გიორგი ბარამიძე, მესამეზე - ზურაბ ჯაფარიძე და მეოთხეზე - შოთა მალაშხია. შემაჯამებელ პრაიმერზე  ონლაინ გამოკითხვის შედეგებიც გამოცხადდა, რომელიც ერთი თვის განმავლობაში მიმდინარეობდა. აღნიშნული შედეგების მიხედვითაც  დავით ბაქრაძე ლიდერობს, მეორე ადგილზეა ზურაბ ჯაფარიძე, მესამეზე - გიორგი ბარამიძე, მეოთხეზე კი - შოთა მალაშხია.