ამის შესახებ უშიშროების საბჭოს მდივანმა, ბოკერიამ დღეს თბილისში „ნაციონალური მოძრაობის" პრაიმერის დასკვნითი ტურის დასრულების შემდეგ ჟურნალისტებს განუცხადა. „პირველ რიგში, მინდა, მივულოცო „ნაციონალურ მოძრაობას", მის ყველა მომხრეს, აქტივისტს ძალიან ღირსეული და ძლიერი კანდიდატის შერჩევა. დარწმუნებული ვარ, რომ დავით ბაქრაძე ძალიან ძლიერი კანდიდატი იქნება, მაგრამ ამ გამარჯვებასთან ერთად მინდა, მივულოცო ის პროცესი, ის ახალი დემოკრატიული ტრადიცია, რომელიც ამ პრაიმერით იქნა დანერგილი, როდესაც თითოეულ აქტივისტს, თითოეულ მოქალაქეს, რომელიც თავს „ნაციონალურ მოძრაობას" მოიაკუთვნებს, აქვს თავისი ხმა არამარტო საპრეზიდენტო არჩევნებზე, არამედ კანდიდატის შერჩევისას. ეს არის ძალიან კარგი ტრადიაცია და გამოცდილება ჩვენი ქვეყნის პოლიტიკური ცხოვრების ამ რთულ მომენტში. ძალიან კარგად გამოჩნდა, თუ როგორი დადებითი და წინგადადგმული ნაბიჯი იყო ამ ტრადიციის ჩამოყალიბება. თუ ჩვენს საზოგადოებას მიეცა საშუალება ნორმალური საარჩევნო კამპანიის წარმოებისა, საპრეზიდენტო არჩევნებისთვის ძალიან დაძაბული ბრძოლა იქნება", - განაცხადა ბოკერიამ.
