"დინამოს" ბაზაზე ასაფეთქებელი მოწყობილობის არსებობის შესახებ ცრუ შეტყობინების ავტორი დაკავებული არ არის. როგორც "რეპორტიორთან" საუბრისას შინაგან საქმეთა სამინისტროს საზოგადოებასთან ურთიერთობის სამსახურის ხელმძღვანელმა ნინო გიორგობიანმა განაცხადა, გამოძიება გრძელდება და სამართალდამცველები ცრუ შეტყობინების ავტორს უახლოეს მომავალში დააკავებენ. „საგანგებო სიტუაციების სამსახურში ცრუ შეტყობინების შესახებ ინფორმაცია გუშინ საღამოს დაფიქსირდა, ადგილზე მობილიზებული იყო გამნაღმველთა ბრიგადა რომლებმაც "დინამო თბილისის" ყველა თანამშრომელს დიღმის საწრთვნელი ბაზის ტერიტორიის დატოვება სთხოვეს. ბაზაზე დაახლოებით ორ საათიანი მუშაობის შედეგად ბომბის არსებობა არ დადასტურდა. მიმდინარეოს გამოძიება და სამართალდამცველები ცრუ შეტყობინების ავტორს უახლოეს მომავალში დააკავებენ,"- განაცხადა ნინო გიორგობიანმა „რეპორტიორთან" საუბრისას. მისივე განმარტებით, გამნაღმველებმა მუშაობის დასრულებისთანავე გუნდს ბაზის ტერიტორიაზე შესვლის უფლება მისცეს. "დინამო" ბუქარესტის "სტიაუასთან" სათამაშოდ ემზადება, რომელიც 30 ივლისს, 20:00 საათზე გაიმართება.
