დიდთოვლობისგან დაზარალებულ აჭარის მაღალმთიანეთში ენერგომომარაგება დაახლოებით ათ დღეში აღდგება.

როგორც „ენერგო-პრო ჯორჯიაში" აცხადებენ, ამ დროისთვის ელექტროენერგიის გარეშე მხოლოდ ქედა, შუახევი და ხულოა დარჩენილი. მათივე ინფორმაციით, გურიაში, სამეგრელოში, იმერეთსა და რაჭა-ლეჩხუმში ენერგომომარაგება სრულად აღდგა.

გუშინ, ძლიერი ქარის შედეგად, ელექტროენერგია კახეთში 33 ათასამდე ოჯახს შეუწყდა. თუმცა, დღის ბოლოსთვის კახეთის სადისტრიბუციო კომპანიამ დაზიანებული ელექტროგადამცემი ხაზების გამართვა და ელექტრომიწოდების აღდგენა სრულად მოახერხა.