საქართველოს ენერგეტიკის მინისტრმა, კახი  კალაძემ აზერბაიჯანული კომპანიის „სოკარ გაზ ჯორჯია" წარმომადგენლებთან ერთად სამტრედიის რაიონის ერთერთ სოფელში- ჭაგანში მიმდინარე გაზიფიცირების სამუშაოები დაათვალიერა. "სოკარი" გაზიფიცირების სამუშაოებს სამტრედიაში, მდინარე რიონის მარჯვენა სანაპიროზე მდებარე რამდენიმე სოფელში ერთდროულად აწარმოებს. მთლიანობაში იგეგმება 100 კმ სიგრძის გაზსადენის მშენებლობა, რაც ამ სოფლებში მცხოვრებ დაახლოებით 4500 ოჯახს გაზის საერთო ქსელში ჩართავს. სამუშაოები მიმდინარე წლის ბოლომდე დასრულდება.