გაზეთი „საქართველოს რესპუბლიკა" ზაზა ბილიხოძის სტატიას აქვეყნებს, სადაც აღწერილია ფაქტები, „თუ როგორ ირღვეოდა კანონი „ნაცების" პარპაშის დროს ინტერესთა კონფლიქტის შესახებ, რასაც რეაგირება არასოდეს მოჰყოლია".  

„2008 წელს არჩეული პარლამენტარი არჩილ გეგენავა, დეპუტატის მანდატის მიღებამდე ცნობილი მსხვილი ბიზნესმენი იყო. როგორც „საერთაშორისო გამჭირვალეობა - საქართველოს" მონიტორინგით ირკვევა, მის საკუთრებაში, ან მნიშვნელოვანი წილების საკუთრებაში 20-ზე მეტი კომპანია და ფირმა იყო. საკანონდმებლო ორგანოში მოხვედრის შემდეგ არჩილ გეგენავამ საკუთრებაც და წილებიც ანდრო გეგენავას გადასცა. თუმცა, მისმა ორმა მსხვილმა კომპანიამ „მეგაფუდმა" და „ფუდ-სერვისმა" 2011 წლიდან მოყოლებული არაერთი „ღია ტენდერი" მოიგო და ამით 9 მლნ ლარზე მეტი მიიღო. მას არც ღია ტენდერის ჩატარება დასჭირვებია, რაც შეიარაღებული ძალების საკვებით უზრუნველყოფის მიზნით თავდაცვის სამინისტროსთან ხელშეკრულება გაეფორმებინა", - წერს ავტორი.