„მე ვიცი, სად არიან დათა ახალაია, სოსო თოფურიძე, „მასტერა" და მეგის ქარდავა!" - ეს განცხადება ასლან აბაშიძის ყოფილმა პრესსმდივანმა, პოლიტპატიმარმა თამაზ ბაკურიძემ „ქრონიკისთვის" მიცემულ ინტერვიუში გააკეთა. მან ინფორმაციის წყარო არ გაამხილა, თუმცა აღნიშნა, რომ ისინი ტრაპიზონში იმყოფებიან - „ ამჟამად იმყოფებიან ტრაპიზონში, წამალზე არიან შემსხდარნი და კარგად ერთობიან... ზურაბ ადეიშვილი ნახეს მოსკოვში, ერთ-ერთ ბანკში. მოკლედ, ეს ადამიანები კარგს ჭამენ, კარგს სვამენ და კაიფშიც არიან. ამ დროს ხელისუფლება იმას ვერ ახერხებს, რომ მეზობელ ქვეყანას მოელაპარაკოს და დააპატიმროს. ინტერპოლით ძებნაა გამოცხადებული, აგერ გეუბნები, სადაც არიან, მეტი რაღა გინდა?" - განაცხადა ბაკურიძემ.