"ქართული ოცნების" საპრეზიდენტო კანდიდატი გიორგი მარგველაშვილი დავით ბაქრაძის შეთავაზებას პასუხობს. ,,რამდენიმე კანდიდატმა მოინდომა დებატები, ეს ნორმალურია. დებატები ჩატარდება ისეთ ფორმატში, რომელშიც ყველა საპრეზიდენტო კანდიდატს მიეცემა შესაძლებლობა თავისი პოზიციის დაფიქსირების. კიდევ ერთხელ ხაზს ვუსვამ იმას, რომ, ,,ქართული ოცნება" ამ ნაწილში დაიცავს ერთიან სტანდარტს, ექსკლუზივებს ჩვენ არავის არ მივცემთ, მაგრამ შესაძლებლობა აზრის გამოხატვისა და დაფიქსირების ყველას აქვს." - განაცხადა  მარგველაშვილმა. "ნაციონალური მოძრაობის" პრეზიდენტობის კანდიდატმა დავით ბაქრაძემ,  მარგველაშვილი დებატებში, "ექსპო-ჯორჯიაში" შემაჯამებელი პრაიმერის დასრულების შემდეგ გამოიწვია.