„ჩვენ თქვენს გვერდით ვდგავართ„ - ასე ეწოდება არასამთავრობო ორგანიზაცია „სტუდენტთა გაერთიანება სამართლიანი საქართველოსთვის", ახალგაზრდული გაერთიანება "დავითიანნი"-სა და თბილისის 130-ე საჯარო სკოლის ერთობლივ საქველმოქმედო აქციას. მოსკოვის გამზირზე მდებარე კარვებში მცხოვრებ უსახლკარო მოსახლეობას გადაეცა სხვდასხვა საჭირო ნივთები, საკვები, სამოსი. ახალგაზრდულმა გაერთიანება "დავითიანნმა" კარვებში მცხოვრები ბავშვები წიგნებით დაასაჩუქრა.
მოხარულნი ვართ, რომ ჩვენი, თუნდაც მცირედი წვლილი შევიტანეთ უსახლკაროთა დახმარების საქმეში. მსგავსი სახის აქციები კვლავინდებურად გაგრძელდება და ჩვენ, მეგობარ ორგანიზაციებთან ერთად კიდევ არაერთ გაჭირვებულ ოჯახს დავეხმარებით მთელი საქართველოს მაშტაბით. -განაცხადეს "სტუდენტთა გაერთიანება სამართლიანი საქართველოსათვის" წარმომადგენლებმა.
