პრემიერ-მინისტრ ირაკლი ღარიბაშვილის ინიციატივით, საქართველოს მთავრობამ მარტვილის მუნიციპალიტეტის კურზუს თემის სოფელ დობერაზენის მკვიდრი სოციალურად დაუცველი ცხრა ოჯახის შეშით უზრუნველყოფის გადაწყვეტილება მიიღო. შედეგად, საქართველოს რეგიონული განვითარებისა და ინფრასტრუქტურის სამინისტროს, გარემოსა და ბუნებრივი რესურსების დაცვის სამინისტროსა და ფინანსთა სამინისტროს ერთობლივი ძალისხმევით, 20 კუბური მეტრი შეშის მარაგის მობილიზება მოხერხდა.
აღნიშნული უწყებების წარმომადგენლებმა, კერძოდ, ფინანსთა სამინისტროს მომსახურების სააგენტოს, გარემოსა და ბუნებრივი რესურსების დაცვის სამინისტროს გარემოსდაცვითი ზედამხედველობის დეპარტამენტის, რეგიონული განვითარების სამინისტროს ინფრასტრუქტურის დეპარტამენტისა და ადგილობრივი ხელისუფლების წარმომადგენლებმა მოსახლეობას შეშა გადასცეს. (აქვე მოხდა შეშის დაჩეხვა და ოჯახებში დასაწყობება, რათა მოსახლეობას მისი გამოყენებისას პრობლემები არ შექმნოდა).
დობერაზენის მოსახლეობა მთლიანობაში 45 ოჯახს შეადგენს. საქართველოს მთავრობა სათანადო ღონისძიებებს სოციალურად დაუცველი მოსახლეობის დასახმარებლად მომავალშიც განახორციელებს.
