უკრაინული საინფორმაციო სააგენტოების მიერ გავრცელებული ინფორმაციით, ვიქტორ იანუკოვიჩი კიევის ერთ-ერთ კლინიკაშია მოთავსებული. მედიის ცნობით, კლინიკა „ფეოფანიასთან" კორტეჟი გაჩერდა, რომელიც პრეზიდენტს, პრემიერს და რადას სპიკერს ემსახურება. კლინიკის მეორე სართული დაცვას აქვს დაკავებული, კლინიკის სხვა პაციენტების კი  ახლობლების ნახვის  საშუალება არ ეძლევათ.

პრეზიდენტის ჯანმრთელობის შესახებ ოფიციალური უწყებები კომენტარს არ აკეთებენ. აღსანიშნავია, რომ კრემლში იანუკოვიჩის ვიზიტი გადადეს და მოსკოვში მის ნაცვლად, პრემიერ-მინისტრი აზაროვი გაემგზავრება.