ცესკო-ს ვებგვერდზე განთავსებული ინფორმაციის მიხედვით, საქართველოს პრეზიდენტის არჩევნებზე დაკვირვების მიზნით, ამერიკის შეერთებული შტატების საელჩომ ცესკო-ში რეგისტრაცია გაიარა. ამ დროისათვის დამკვირვებლის სტატუსით კიდევ ერთი საერთაშორისო ორგანიზაცია "საარჩევნო სისტემების საერთაშორისო ფონდია" (IFES) დარეგისტრირებული. რაც შეეხება ადგილობრივ ორგანიზაციებს, ცესკო-ში რეგისტრაცია 10-მა ადგილობრივმა  ორგანიზაციამ გაიარა. ცესკო-ში რეგისტრაცია ადგილობრივ ორგანიზაციებს 17 ოქტომბრის, ხოლო საერთაშორისო ორგანიზაციებს 20 ოქტომბრის ჩათვლით შეუძლიათ. საქართველოში საპრეზიდენტო არჩევნები 2013 წლის 27 ოქტომბერს გაიმართება.