პრეზიდენტობის კანდიდატებს შორის გასამართი დებატების თემაზე, „ერთიანი ნაციონალური მოძრაობის" ოფისში გიორგი გაბაშვლმა ბრიფინგი გამართა. ერთ-ერთი ლიდერის განმარტებით, საზოგადოებრივივ ინტერესს დღეს, გიორგი მარგველაშვილსა და დაით ბაქრაძეს შორის დებატები წარმოადგენს. მისივე განცხადებით ეს იქნება კარგი საშუალება იმისათვის, რომ საზოგადოებამ დაინახოს როგორია მათი ხედვა ქვეყნის განვითარებასთან დაკავშირებით. „ქართული ოცნების" საპრეზიდენტო კანდიდატმა ბატონდმა, გიორგი მარგველაშვილმა ფაქტიურად უარი განაცხადა ჩვენი კანდიდატის „ერთიანი ნაციონალური მოძრაობის" კანდიდატის დავით ბაქრაძის შეთავაზებაზე, რომ დაინიშნოს და ჩატარდეს მთელი სერია დებატებისა, გიორგი მარგველაშვილსა და დავით ბაქრაძეს შორის ქვეყნისთვის მნიშვნელოვან საკითხებზე, ისეთი როგორიც არის საგარეო პოლიტიკური ორიენტაცია, ქვეყნის ეკონომიკური განვითარება, პრეზიდენტის ფუნქცია და მთავრობის კონტროლის უნარი. ეს არის ყველა ის საკითხი რომელიც წარმოადგენს საზოგადოების ინტერესს. ჩვენთვის ძალიან გასაკვირია რატომ აცხადებს უარს გიორგი მარგველაშვილი ამ ტიპის დებატებზე . ყველაზე მაღალი საზოგადოებრივი ინტერესი დღეს არის ის, რომ გიორგი მარგველაშვილსა და დაით ბაქრაძეს შორის ჩატარდეს დებატები, სადაც გამოჩნდება ორი ხედვა, როგორ განვითარდეს ქვეყანა და ამ დებატებში გამოვლინდება ქართული საზოგადოების თვალში რომელი კანდიდატი ჯობია, ბიძინა ივანიშვილის მიერ შერჩეული გიორგი მარგველაშილი თუ პრაიმერის, ფართო მსჯელობის და მთელი პარტიული ორგანიზაციის მიერ არჩეული დავით ბაქრაძე. ვფიქრობთ გიორგი მარგველაშილი არ უნდა ამოეფაროს პრემიერ ბიძინა ივანიშვილს და თავად უნდა გამოვიდეს პოლიტიკურ ასპარეზზე და თავის ხედვა და პოლიტიკური პირობები წარმოადგინოს," - განაცხადა გიორგი გაბაშვილმა.
