„ერთიანმა ნაციონალურმა მოძრაობამ" თბილისის საკრებულოში შვიდი ფრაქცია შექმნა. თითოეულ ფრაქციაში სამ-სამი დეპუტატი გაერთიანდა. მიუხედავად იმისა რომ ყოფილი მმართველი პარტია უმცირესობაშია დარჩენილი, ის ყველაზე მრავაფრაქციული ძალა იქნება საკრებულოში. თბილისის საკერბულოს იურიდიული კომისიის თავმჯდომარის, დავით ჯინჭარაძის განმარტებით, „ნაციონალური მოძრაობის" დეპუტატებს, ფრაქციების სიმრავლე გარკვეულ უპირატესობას მიანიჭებს. „ვფიქრობ, იმისთვის შექმნეს ფრაქციები, რომ რაღაც პრივილეგიებით ესარგებლათ. როგორც ფრაქცია, ისინი უზრუნველყოფილნი იქნებიან რეგლამენტით განსაზღვრული ავტომობილით, საწვავით და მომსახურეობებით." -აცხადებს ჯინჭარაძე. საკრებულოს თავმჯდომარე, ირაკლი შიხიაშვილი აცხადებს, რომ უმცირესობის წევრებს კომისიების ხელმძღვანელთა მოადგილეების პოსტებს შესთავაზებენ. „მათი საქმეა რამდენად სჭირდებოდათ ამ ფრაქციების შექმნა. არც იმის თქმა მინდა, თითქოს ეს იმიტომ გააკეთეს რომ პრივილეგიებზე და რაღაც სიკეთეებზე დახარბებული ხალხია. მომავალში ჩვენ მათ სხვა თანამდებობესაც შევთავაზებთ და შესაბამისად, ერთობლივი მუშაობა შედეგიანი უნდა იყოს." -განაცხადა შიხიაშვილმა.
