ქარელის რაიონის სოფელ ზემო ღოღეთში სულ ორი კომლი ცხოვრობს. აქამდე უშუქობაში მყოფი სოფელი გუშინ საწვავის გენერატორით განათდა. ამის შესახებ შიდა ქართლის საინფორმაციო ცენტრს მუნიციპალიტეტის გამგეობაში განუცხადეს. მუნიციპალიტეტის გამგებლის მოვალეობის შემსრულებელმა ზაზა გულიაშვილმა ზემო ღოღეთელებს საკუთარი გენერატორი აჩუქა.

„გენერატორი, რომელიც საწვავზე მუშაობს, ამ ორ ოჯახს გამგებელმა აჩუქა. გახარჯული საწვავის თანხას მუნიციპალიტეტის ბიუჯეტი გაიღებს",- განუცხადეს გამოცემას მუნიციპალიტეტის პრესსამსახურში.