„ანაკლიაში საერთაშორისო აეროპორტი აშენდება", - ამის შესახებ საქართველოს ეკონომიკის მინისტრმა გიორგი კვირიკაშვილმა დღევანდელ პრესკონფერენციაზე განაცხადა.
მინისტრის თქმით, აღარ აშენდება ფოთის აეროპორტი, რადგან მისი პროექტი აბსოლუტურად გაუმართლებელი იყო.
როგორც გიორგი კვირიკაშვილმა განმარტა, ანაკლიის აეროპორტი პორტთან ახლოს განლაგდება და პროექტში უკვე გათვალისწინებულია.
„ფოთის აეროპორტის პროექტი, სამწუხაროდ, აბსოლუტურად გაუმართლებელი იყო, ვინაიდან ეს არის ფრინველების გადაფრენის და ჭაობიანი ზონა. მძლავრი, მაღალი შესაძლებლობების მქონე საერთაშორისო აეროპორტი აშენდება ანაკლიის პორტთან და ვფიქრობ, რეგიონში ორი ასეთი აეროპორტის საჭიროება არ არსებობს. ანაკლიის საერთაშორისო აეროპორტს ექნება განსაკუთრებული შესაძლებლობები სატვირთო გადაზიდვების მიმართულებით", - განაცხადა კვირიკაშვილმა.
