ზემო აჭარის სამივე რაიონს ელექტროენერგიის მიწოდება სრულად აღუდგა. გუშინ, გვიან საღამოს დასრულდა მაღალი ძაბვის გადამცემი ხაზის ბოლო ანძის სარეაბილიტაციო სამუშაოები, რის შედეგადაც დენის მიწოდება უწყვეტ რეჟიმში განახლდა.

შეგახსენებთ, სტიქიის შედეგად, მხოლოდ ზემო აჭარაში, დაზიანებული იყო 16 მაღალი ძაბვის ანძა, ხოლო ხაზის წყვეტა დაფიქსირდა 200-მდე შუალედში. დასავლეთ საქართველოს სხვა რეგიონებში ელექტროენერგიის მიწოდების აღდგენა სტიქიის დაწყებიდან მალევე მოხერხდა.

სტიქიის შედეგად მნიშვნელოვანი ზიანი მიადგა ზემო აჭარის რეგიონს, რის შედეგადაც დაზიანდა მაღალი ძაბვის ელექტროგადამცემი ხაზები და ელექტროენერგიის მიწოდება შეუწყდა მთელ რეგიონს. აღდგენით სამუშაოებს რამდენიმე დღე დასჭირდა.