საპარლამენტო უმცირესობის დეპუტატი დავით საყვარელიძე პრეზიდენტთან ერთად სინგაპურში იმყოფება. მან სინგაპურსა და საქართველოს შორის პარალელი გაავლო. „ძალიან ბევრ ქვეყანაში ვარ ნამყოფი, იაპონიაშიც ვარ ერთი წელი ნაცხოვრები. სინგაპური მსოფლიო საოცრებაა და არის კიდევ ერთი მაგალითი იმისა, რა შეიძლება პატარა ერმა, თუმცა ამბიციურმა და მშობელმა ერმა გააკეთოს და შეძლოს. თეთრი შურით მშურს, როდესაც გავცქერი ულამაზესი სასტუმროს უკან მდებარე პორტს, რომლის ანალოგიც თავიუსფლად შეიძლება საქართველოშიც შეიქმნას. იმ საფრთხეების და გამოწვევის პირობებში, რაც სინგაპურს და საქართველოსაც ისტორიულად ჰქონდათ, ამ ხალხმა შეძლო ყველაფერი ამის გაკეთება, რასაც დღეს სინგაპური წარმოადგენს. სამწუხაროდ, საქრთველოს ამომრჩეველი თავის დროზე მოტყუვდა. მიხარია, რომ საქართველოს ამომრჩეველთა დიდი ნაწილი დღეს უკვე სწორ დასკვნებს აკეთებს. საზოგადოებამ ძალიან ლოგიკური პროტესტი თქვა ძალადობის წინააღდმეგ, რასაც ციხის ძალადობა ერქვა. აღმოჩნდა, რომ დღესაც არსებობს ციხის ძალადობა, ხდება ასეთი ფაქტები, მაგრამ სამწუხაროდ აღარაა ისეთი აქტუალური, როგორიც ოქტომბრის საპარლამენტო არჩევნებამდე რამდენიმე დღით ადრე. გამოვიდა, რომ საზოგადოებამ უარი თქვა ყველაფერ ამაზე, რასაც სინგაპური ჰქვია. საქართველო სინგაპურის იდენტური ვერ გახდება, მაგრამ უარი თქვა იმ განვითარებაზე, იმ ეკონომიკურ პროგრესზე, განათლებაზე, ხარისხიან ჯანდაცვაზე, რომელიც ამ ქვეყანაში ნამდვილად არის. ხალხი ბედნიერია, რადგან მათ საკუთარი შრომით, გააზრებული ეკონომიკური პოლიტიკით მიაღწიეს ყველაფერ ამას და არა ჰაერზე ნასროლი ოცნებებით და დაპირებებით",-აღნიშნა საყვარელიძემ.
