„ივანიშვილი ემსახურება რუსულ ინტერესებს, იმიტომ, რომ ცდილობს, ისეთი ნაბიჯები გადადგას, რაც საქართველოს მოაქცევს იზოლაციაში და ჩამოაშორებს დასავლეთს"- ეს განცხადება „ილია ჭავჭავაძის საზოგადოების" თავმჯდომარემ თამარ ჩხეიძემ „ახალი თაობისთის" მიცემულ ინტერვიუში გააკეთა. როგორც მან აღნიშნა, „ნაციონალური მოძრაობა" მისთვის ყოველთვის მიუღებელი იყო, მაგრამ იგი ირჩევს პოზიციას მხოლოდ იმის მიხედვით, თუ რა სჯობს ქვეყნისთვის - „ სამწუხარო რეალობაა, რომ ერთადერთი ძალა, რომელსაც აქვს უნარი, გარკვეული წინააღმდეგობა გაუწიოს ჩვენს ამჟამინდელ პირდაპირ რუსეთიდან მართულ რუსულ ხელისუფლებას, არის „ნაცმოძრაობა." სხვა ძალა არ ჩანს, რომელიც წინააღმდეგობას გაუწევს „ქართულ ოცნებას." ამიტომ პოლიტიკური არენიდან „ნაცმოძრაობის" ჩამოშორების ყოველი ნაბიჯი ამ ეტაპზე ნამდვილად რუსეთის წისქვილზე ასხამს წყალს" - განაცხადა თამარ ჩხეიძემ.
