ფოთის მუნიციპალიტეტი 114 კუბოს შესაძენად ტენდერს აცხადებს. აღნიშნული ტენდერის სავარაუდო ღირებულება 40 000 ლარია. კონკურენციისა და სახელმწიფო შესყიდვების სააგენტოს ოფიციალურ ვებ-გვერდზე მითითებული ცხრილის მიხედვით, ტენდერში გამარჯვებულმა კომპანიამ მუნიციპალიტეტს სტანდარტული ზომის, ხარისხიანი, გამოკრულსარჩულიანი კუბოები უნდა მიაწოდოს.
სატენდერო დოკუმენტაციის თანახმად, კუბოები ფოთში მცხოვრები უმწეო და გაჭირვებული გარდაცვლილი მოქალაქეებისთვისაა გათვალისწინებული.
რამდენიმე დღის წინ კუბოების ტენდერი გლდანის მუნიციპალიტეტმაც გამოაცხადა. „კუბოს (ჩასასვენებელი), რომელიც იქნება ტრადიციული, წიფელის, სტანდარტული ზომის, გამოკრული სარჩულით, სუდარით, გლდანის გამგეობა 70-ს შეიძენს. შესყიდვის სავარაუდო ღირებულება 17 500 ლარია. მუნიციპალიტეტი კუბოებს გლდანის რაიონის ტერიტორიაზე მცხოვრები უმწეო და გაჭირვებული გარდაცვლილი მოქალაქეებისთვის ყიდულობს“.
