სოციალურ ქსელში გავრცელდა ინფორმაცია, რომ იუსტიციის მინისტრი თეა წულუკიანი თხოვდება. თეა წულუკიანი 38 წლისაა, მისი რჩეული ნიკოლოზ კაკულია - 29 წლის, თუმცა, როგორც ჩანს, 9 წლიან ასაკობრივ სხვაობას ხელი არ შეუშლია წყვილის ურთიერთობისთვის.
ამჟამად მინისტრი შვებულებაშია და იტალიაში, საახალწლო მოგზაურობაში , სწორედ ნუგზარ კაკულიასთან ერთად იმყოფება. კაკულია მას ორი წლის წინ თანაპარტიელმა ეკა ხურციძემ გააცნო. ცნობილი გახდა ისიც, რომ ახალ წელს მინისტრი საფრანგეთში შეხვდება.
ნუგზარ კაკულია იუსტიციის სასწავლო ცენტრის დირექტორის მოადგილეა და სამსახურშიც ადასტურებენ, რომ ის ოფიციალურ შვებულებაშია და საქართველოში არ იმყოფება.
როგორც იუსტიციის სასწავლო ცენტრის ოფიციალურ საიტზე ვკითხულობთ, „ნუგზარ კაკულია 1984 წელს თბილისში დაიბადა. აქვს მენეჯერული მუშაობის რვაწლიანი გამოცდილება. არის მარკეტინგის ანალიტიკური მიმართულების სპეციალისტი. მიღებული აქვს უმაღლესი განათლება თბილისის აზიისა და აფრიკის ინსტიტუტში. სხვადასხვა წლებში მიღებული აქვს მსოფლიო, ევროპისა და საქართველოს ჩემპიონის ტიტულები კარატეში, არის შავი ქამრის მფლობელი. ფლობს ინგლისურ და რუსულ ენებს".
