"გენერალური მდივანი მკაცრად გმობს ვოლგოგრადში განხორციელებულ ტერორისტულ აქტებს და უსამძიმრებს დაღუპულთა ოჯახებს, ისევე როგორც რუსეთის ხელისუფლებას და რუს ხალხს", - ნათქვამია გაერო-ს მიერ გავრცელებულ განცხადებაში.

გაერო-ს გენერალურმა მდივანმა ბან კი-მუნმა ვოლგოგრადში მომხდარი ტერაქტები  დაგმო. ინფორმაციას ამის შესახებ "ასოშიეითედ პრესი" ავრცელებს. ბან კი-მუნი მოუწოდებს, დაისაჯოს ყველა დამნაშავე, ვისაც ამ საზარელ აქტებში მიუძღვის ბრალი.

შეგახსენებთ, ვოლგოგრადში გუშინ და დღეს ორი ტერაქტი მოხდა. დღეს დილით, ძერჟინსკის რაიონში ტროლეიბუსში მომხდარი აფეთქების შედეგად 15 ადამიანი დაიღუპა, მათ შორის ერთი ბავშვი. გუშინ კი რკინიგზის სადგურში აფეთქებას, ბოლო მონაცემებით, 17 ადამიანი ემსხვერპლა, 35-მდე კი დაშავდა.