განათლების ყოფილმა მინისტრმა და საპრეზიდენტო კანდიდატმა, გიორგი მარგევლაშვილმა სასერტიფიკაციო გამოცდების შედეგები შეაფასა.
„პედაგოგთა სასერტიფიკაციო გამოცდების შედეგები სასიხარულო არ არის, მაგრამ ის მეტი აქტიური მუშაობისკენ გვიბიძგებს."-განაცხადა მარგველაშვილმა ჟურნალისტებთან საუბრისას.
"ეს არის უმნიშვნელოვანესი პროექტი და მეხუთე წელია, მიმდინარეობს. ეს შედეგები არის სერიოზული გამოწვევა სისტემის მიმართ და ბუნებრივია, ამაში კიდევ უფრო მეტი რესურსი ჩაიდება. მონაცემი არ არის სასიხარულო, მაგრამ ეს მეტი აქტიური მუშაობისკენ გვიბიძგებს." -აცხადებს საპრეზიდენტო კანდიდატი.
შეგახსენებთ, რომ გუშინ, გამოცდების ეროვნული ცენტრის ხელმძღვანელმა მაია მიმინოშვილმა სასერტიფიკაციო გამოცდების შედეგები შეაფასა. პედაგოგთა უმრავლესობამ სასერტიფიკაციო გამოცდაზე ბარიერი ვერ გადალახა, რაც მისი შეშფოთების მიზეზი გახდა.
