საქართველოში ვიზიტით მყოფი პოლონეთის დელეგაციის ხელმძღვანელი იაროსლავ კაჩინსკისთვის  ე. წ. სასაზღვრო ზოლის გადმოწევა მიუღებელია. მისივე თქმით, ყველაფერი უნდა მოხდეს საერთაშორისო ნორმების ფარგლებში.

" საქართველოს გზა უნდა იყოს ევროპისკენ, ევროკავშირისა და ნატოსკენ . ამ ორგანიზაციების წევრობით, საქართველო მოახერხებს ყველა ამ პრობლემის მოგვარებას, რადგან ამ ორ ინსტიტუტს დიდი ძალა აქვს. რა თქმა უნდა, ეს ადვილი საქმე არ არის, მაგრამ უნდა ითქვას, რომ პრობლემები რუსეთსაც აქვს, ამიტომ შეგვიძლია იმედი გვქონდეს , რომ ისეთი ქვეყნებისთვის, როგორიც საქართველო და პოლონეთია,  უკეთესი დრო დადგება"- აცხადებს კაჩინსკი „რუსთავი 2"-თან ინტერვიუში.