საქართველოში ვიზიტით მყოფი პოლონეთის დელეგაციის ხელმძღვანელი, იაროსლავ კაჩინსკი, "ნაციონალური მოძრაობის" დაკავებულ გენერალურ მდივანს, ვანო მერაბიშვილს მოინახულებს .
„რა თქმა უნდა, პირველ რიგში მას მხარდაჭერასა გამოვუცხადებ. როდესაც დემოკრატიაზე ვსაუბრობთ, მნიშვნელოვანია არა მარტო ის, რაც არჩევნებამდე ხდებოდა, არამედ ისიც, რაც არჩევნების შემდეგ მოხდება. ამ შემთხვევაში, რაც ახლა მოხდა, არ არის დემოკრატია. იმედს გამოვთქვამთ, რომ საქართველოს მთავრობა არ დაადგება იმ გზას, საიდანაც უკან დაბრუნება შეუძლებელი იქნება. პოლონეთში ვამბობთ, რომ არსებობს გზა აღმოსავლეთისკენ, საქართველოში კი ამ გზას ჩრდილოეთის გზას უწოდებენ"- აცხადებს კაჩინსკი.
ვიზიტის ფარგლებში კაჩინსკი საქართველოს პრეზიდენტ, მიხეილ სააკაშვილს და პრემიერ-მინისტრ, ბიძინა ივანიშვილს შეხვდება.
