მეათე დღეა ფოთში დაკარგულ 30 წლის გიორგი გრაფიშვილს ეძებენ. მამაკაცი სახლიდან 26 დეკემბერს გავიდა და მას შემდეკ მისი კვალი იკარგება. გიორგი გრაფიშვილმა გაუჩინარებამდე  მობილური ტელეფონი სახლში დატოვა.

როგორც დაკარგულის დედა ზოია გრაფიშვილი „ლაივპრესთან" საუბარში აცხადებს, მის შვილს ფსიქიკური პრობლემები არ აწუხებს და არც კონფლიქტი ჰქონდა ვინმესთან.

„ყველას დავურეკეთ, მეგობრებს და ნათესავებს, არსად ჩანს. მსგავსი შემთხვევა არასდროს ყოფილა, გაწონასწორებული ბიჭია. მინდა ვთხოვო ყველას, ვინც შესაძლოა ჩემი შვილის ადგილსამყოფელის შესახებ ინფორმაცია იცოდეს, დამიკავშირდნენ", - აცხადებს გაუჩინარებულის დედა.

გიორგი გრაფიშვილის ოჯახმა 27 დეკემბერს პოლიციას მიმართა, თუმცა ოჯახის წევრების განცხადებით, სამართალდამცველებისთვის ამ დრომდე უცნობია დაკარგულის ადგილსამყოფელი.

                                                                                                                                     (მოამზადა ლილუ მიროტაძემ)