„ივანიშვილის მიერ გაკეთებული ბევრი განცხადება არ მომწონს, ამ შემთხვევაში კი სრულიად ვეთანხმები პრემიერს, ოღონდ, ერთ შესწორებას შევიტან, მაჟორიტარებს ფეოდალებად კი არ წარმოუდგენიათ თავი, მართლა ფეოდალები არიან!" - განაცხადა  „თავისუფალი საქართველოს" ერთ-ერთმა ლიდერმა ალეკო შალამბერიძემ  „ახალი თაობისთვის " მიცემულ ინტერვიუში. როგორც მან აღნიშნა, ეს მახინჯი ფორმა უნდა გაუქმდეს - „ძალიან კარგია ასე მალე რომ აეხილა ივანიშვილს თვალი... იმედია პრემიერი მხოლოდ განცხადებას არ დასჯერდება და ამ მიმართულებით რაღაც ნაბიჯები გადაიდგმება.... მაჟორიტარების, ამ ტირანების და ფეოდების პარპაში უნდა დასრულდეს საქართველოში!" - განაცხადა შალამბერიძემ.