ერაყის ორი ქალაქის ფალუჯის და რამადის ზოგიერთ რაიონზე, ისლამისტი ექსტრემისტები კონტროლს ინარჩუნებენ.
შეგახსენებთ, მათ გაძევებას ცდილობენ ერაყის უშიშროების ძალები და სუნიტი შეიარაღებული პირები. ერაყის არმია აცხადებს, რომ გადადო ფართომასშტაბიანი იერიში ქალაქ ფალუჯის ცენტრზე, რომელსაც ექსტრემისტები აკონტროლებენ. ამ გადაწყვეტილების მიზანია, თავიდან იქნეს აცილებული მსხვერპლი მშვიდობიან მოსახლეობაში.
რამადიში სამშაბათს დილით მომხდარი შეტაკებების შედეგად დაიღუპა 25 -ზე მეტი ექსტრემისტი. უშიშროების ძალები ექსტრემისტების წინააღმდეგ მორიგი ოპერაციებისათვის ემზადებიან. ამასთან, ფალუჯის და რამადის რაიონების ნაწილს დაახლოებით ერთი კვირაა აკონტროლბენ სუნიტი მეამბოხეების და ალ-ყაიდის მოკავშირე ექსტრემისტები. ერაყის არმიამ რეგიონში დამატებითი ჯარები გააგზავნა.
