„კრემლი ცდილობს საბჭოთა კავშირი აღადგინოს და განაახლოს ცივი ომი."- წერს გამოცემა The Financial Times. სტატიის ავტორი ლილია შევცოვა რუსეთის პრეზიდენტის, ვლადიმერ პუტინის მმართველობის ფორმაზე საუბრობს და აღნიშნავს, რომ მოსკოვი ცდილობს ზესახელმწიფოს მანტია შემოიფაროს.
„შეუპოვრობა, რომლითაც კრემლმა უკრაინას ევროკავშირთან ასოცირების შესახებ შეთანხმებაზე ხელის მოწერის საშუალება არ მისცა, მეტყველებს იმაზე, რომ პუტინი თავის ევრაზიულ პროექტს განიხილავს როგორც ერთიანი ევროპის ალტერნატივას."- აღნიშნულია სტატიაში.
„მოსკოვმა წამოაყენა იდეა ზესახელმწიფოებრივი პოლიტიკური სტრუქტურისა, რაც დამოუკიდებლობის ნაწილობრივ დაკარგვა იქნებოდა. მეოცე საუკუნეში ფესვგადგმული რუსული ევრაზიულობა ყოველთვის ავისმომასწავებელი იყო ევროპისა და დასავლეთის მიმართ. დღეს რუსული ელიტა ევრაზიულ იდეაში ხედავს რუსეთის ეგიდის ქვეშ საბჭოთა სამყაროს აღდგენას, თუნდაც შემოკლებული სახითა და კომუნისტური დოქტრინის გარეშე. პუტინის იმპერიული ამბიციები მალე დასრულდება." - წერს ავტორი.
(მოამზადა თეონა რამაზაშვილმა)
