უშიშროების საბჭოს მდივანმა,  გიგა ბოკერიამ,  საქართველოს პრემიერ-მინისტრ, ბიძინა ივანიშვილის მიერ პოსტის შესაძლო დატოვებასთან დაკავშირებით განცხადება გააკეთა. "დემოკრატიასთან შეუთავსებელი" - ასე შეაფასა ბოკერიამ ივანიშვილის განცხადება, რომელიც აღნიშნულმა ბელგიურ  გამოცემა Euobserver-სთან ინტერვიუში გააკეთა.  ბიძინა ივანიშვილის  განაცხადებით, პრემიერ-მინისტრის პოსტს "ახალ წლამდე" დატოვებს.

"არ ვიცი ეს გადაწყვეტილება იქნება თუ არა მიღებული, მაგრამ ვიცი, რომ დემოკრატიულ ქვეყნებში მთავრობას ირჩევენ გარკვეული ვადით და თანამდებობის პირები, ვისაც ირჩევენ, საზოგადოების წინაშე ანგარიშვალდებულნი არიან მძიმე ტვირთი და პასუხისმგებლობა ატარონ. როცა რეალური ძალაუფლების მქონე ადამიანი არ არის თანამდებობაზე და გარედან მართავს მარიონეტებს, ძალიან სახიფათო და დემოკრატიასთან შეუთავსებელი ქმედება და ტენდენციაა, ეს არის რუსული მმართველობის სტილი.  თუ ასეთ სიტუაციაში აღმოვჩნდებით, ეს იქნება დემოკრატიასთან შეუთავსებელი." -  აცხადებს ბოკერია.