საპარლამენტო უმცირესობის წევრი, ლევან ბეჟაშვილი ბიძინა ივანიშვილის მიერ თანამდებობის დატოვებასთან დაკავშირებით კომენტარს აკეთებს.  

„როდესაც შენი პოლიტიკური პარტიის წინაშე  ამოცანები დგას, რომ  მოსახლეობას „ოცნებები"  აუსრულო, მუდმივად  წასვლაზე საუბარი, ვფიქრობ არასერიოზულია. ეს აფრთხობს ინვესტორებსა და ჩვენს პარტნიორებს სვადასხვა ქვეყანაში, ამიტომ  არასტაბილურობა, რომელსაც დღევანდელი მთავრობა ასხივებს, ზოგადად ქვეყანაზეც და მოსახლეობაზეც ცუდად აისახება."- ასე აფასებს უმცირესობის წევრი პრემიერის გადაწყვეტილებას.

შეგახსენებთ, ბიძინა ივანიშვილის თანამდებობიდან წასვლის შესახებ ინფორმაცია ბელგიურმა გამოცემამ, „ Euobserver" -მა გაავრცელა, რომელმაც  პრემიერ-მინისტრთან ინტერვიუ ურეკის საზაფხულო რეზიდენციაში ჩაწერა.