უკრაინის შინაგან საქმეთა ყოფილ მინისტრი, ახლა უკვე ოპოზიციონერი - იური ლუცენკო, რეანიმაციულ განყოფილებაში იმყოფება. მას ქალა-ტვინის დახურული ტრავმა აღენიშნება.

ლუცენკოს პრესმდივნის თქმით, ყოფილი მინისტრის ჯანმრთელობის მდგომარეობა ამჟამად სტაბილურია, თუმცა ის კვლავ რეანიმაციულ განყოფილებაში რჩება. პრესმდივანი აქტივისტებს მოუწოდებს, არ მიიღონ ნაჩქარევი გადაწყვეტილებები და არ იფიქრონ შურისძიებაზე. 

შეგახსნებეთ, გვიან ღამით "ბერკუტსა" და კიევის სასამართლოსთან შეკრებილ აქციის მონაწილეებს შორის ძალადობრივი დაპირისპირება მოხდა. სპეცრაზმელები ფიზიკურად გაუსწორდნენ აქციის მონაწილეებს.