აშშ სოჭის ზამთრის ოლიმპიური და პარაოლიმპიური თამაშების შესახებ
ქვეყნის სახელმწიფო დეპარტამენტის ვებგვერდზე განცხადებას აქვეყნებს და მოქალაქეებს სიფრთხილისკენ მოუწოდებს.
"აშშ-ის მოქალაქეებს, რომლებიც სოჭში ოლიმპიურ თამაშებზე დასწრებას გეგმავენ, მუდმივად უნდა ახსოვდეთ პირადი უსაფრთხოება. აშშ მოუწოდებს რუსეთს, ახლა და მომავალში დაიცვას შეკრებისა და გამოხატვის თავისუფლებების საერთაშორისო ვალდებულებები." -ნათქვამია განცხადებაში.
აშშ-ს სახელმწიფო დეპარტამენტი სოჭში, ოლიმპიურ თამაშზე დამსწრე ამერიკელ ვიზიტორებს გასულ წელს ვოლგოგრადში, 24 საათის განმავლობაში განხორციელებულ ორ ტერაქტსა და 2013 წლის ივლისში დოკუ უმაროვის მიერ გავრცელებულ ვიდეომიმართვას ახსენებს, სადაც ის სოჭის ზამთრის ოლიმპიური თამაშების დროს თავდასხმების განხორციელების მოწოდებით გამოდიოდა.
(მოამზადა თეონა რამაზაშვილმა)
