თბილისის მერმა, გიგი უგულავამ პოლონეთისა და საქართველოს მეგობრობის მნიშვნელობაზე ისაუბრა.
„მნიშვნელოვანია პოლონეთის, როგორც ხელისუფლებასთან, ისე ოპოზიციასთან მჭიდრო პოლიტიკური და მათ შორის პერსონალური ურთიერთობებიც. პოლონეთში დღეს არის ერთ-ერთი ყველაზე მზარდი ძალა ევროპაში. მისი ხმა ევროკავშირში ძალიან მნიშვნელოვანია. ასევე ის არის ერთ-ერთი ქვეყანა, რომელმაც შესაძლოა, მომავალში დიდი როლი ითამაშოს მათ შორის რუსულ-ქართულ ურთიერთობებში და რუსეთის პოლიტიკის რევიზიაში ევროპასა და მთელს მსოფლიოსთან მიმართებაში", - განაცხადა გიგი უგულავამ.
მისი თქმით, საქართველოსთვის პოლონეთთან ურთიერთობა ძალიან მნიშვნელოვანია.  
"იგი საქართველოს ესტუმრა მაშინ, როდესაც რუსული თვითმფრინავები თბილისისს თავს დასტრიალებდნენ და დადგა ქართველი ხალხის გვერდით. მისი ფრაზა - დღეს ევროპა ვალშია საქართველოს წინაშე, დარწმუნებული ვარ ყველა ქართველისთვის ნიშანდობლივია. ლეხ კაჩინსკის ბიუსტი კი, რომელიც დღეს მისი სახელობის სკვერში გაიხსნა, დარწმუნებული ვარ, უკვდავყოფს საქართველო-პოლონეთის ურთიერთობებს და იქნება ნიშანი იმისა, რომ პოლონეთი არის ქვეყანა, რომელიც გაჭირვების ჟამს ყოველთვის საქართველოს გვერდით დგას", - აღნიშნა გიგი უგულავამ.
თბილისის მერი დღეს, საქართველოს პრეზიდენტთან და პოლონურ დელეგაციასთან ერთად, ლეხ კაჩინსკის ბიუსტის გვირგვინებით შემკობის ცერემონიაში მონაწილეობდა.