პარიზში „სირიის მეგობართა" ჯგუფის წარმომადგენელთა შეხვედრა დღეს დაიწყო. შეხვედრაზე სირიის კონფლიქტის მოწესრიგების შესახებ, საერთაშორისო სამშვიდობო კონფერენციის მოსამზადებელ საკითხებს განიხილავენ.
როგორც გერმანიის საგარეო საქმეთა მინისტრი, ფრანკ ვალტერ შტაინმაიერი აღნიშნავს, შეხვედრის მონაწილეებს განზრახული აქვთ დასძლიონ ის წინააღმდეგობა, რაც ხელს უშლის სირიის საკითხზე კონფერენციის მოწვევას.
სირიის პრეზიდენტის, ბაშარ ალ ასადის მთავრობა გამოთქვამს მზადყოფნას მონაწილეობა მიიღოს საერთაშორისო კონფერენციაში. ოპოზიციაში კი კონფერენციაში მონაწილეობის საკითხში კვლავ რჩება უთანხმოება. ოპოზიცია მოითხოვს გარანტიებს, რომ სირიის ომის შემდგომ მოწყობაში აღარ მიიღოს მონაწილოება ბაშარ ასადმა.
კონფერენციის ჩატარება 22 იანვარს შვეიცარიის ქალაქ მონტრეში იგეგმება.
