დეფაქტო მთავრობის თავდაცვის მინისტრმა იბრაგიმ გასეევმა განაცხადა, რომ რუსეთის ხელისუფლება ცხინვალში სამხედრო პენსიებს დაარიგებს. აღნიშნულის შესახებ განცხადება გასეევმა სააგენტო „რესთან“ ინტერვიუში გააკეთა.

გასეევის განმარტებით,  ხელშეკრულებას ხელი უახლოეს მომავალში მოეწერება და სამსახურიდან დათხოვნილი, საპენსიო ასაკს მიღწეული სამეხდრო მოსამსახურეები რუსეთის ხელისუფლებისგან მიიღებენ იმავე რაოდენობის პენსიებს, რასაც რუსეთის სამხედრო პენსიონერები.

მინისტრმა სააგენტოსთან 2014 წელს ცხინვალში დაგეგმილი სამხედრო ქალაქების მშენებლობაზე და სამხედრო წვრთნებიზეც ისაუბრა. როგორც გასაევმა აღნიშნა,  წვრთნები პოლიგონ ძარცემში ჩატარდება.