უმრავლესობის დეპუტატმა, ოთარ ჩრდილელმა, პრეზიდენტის დღევანდელ განცხადებასთან დაკავშირებით, რომლის მიხედვითაც ის პატიმრობაში მყოფ  თენგიზ გუნავას შეიწყალებს  „რეპორტიორთან" კომენტარი გააკეთა. დეპუტატის განცხადებით,  „ქართული ოცნება" არ იყენებს ისეთ მეთოდებს, როგორიცაა ნარკოტიკების ჩადება.„სამწუხაროდ ვერაფერს გეტყვით, ბატონ გუნავას საყოფაცხოვრებო პირობებზე, აქვე მინდა გავიხსენო, რომ სააკაშვილმა თავის დროზე , „გაღლეტილი" უწოდა საზოგადოებისთვის ოდიოზურ ფიგურას-ვანო მერაბიშვილს. ხოლო თუ რა გაღლეტილი და ღატაკია ნაციონალების სქოლიოზიანი  „ხერხემალი",  ხალხმა მშვენივრად იცის. პრეზიდენტად წოდებულმა სააკაშვილმა, ყველაზე კარგად იცის, რომ ჩვენ არ ვიყენებთ ისეთ მეთოდს, როგორიცაა ნარკოტიკის ჩადება, პატიმრების წამება, კერძო საკუთრების წართმევა და მათი გადაცემა შუაღამის 4 საათზე, ნოტარიუსთან შერბენით. სააკაშვილი იქცა ქვეყნისათვის ხორცმეტად, რომელიც ამაზრზენად გამოიყურება და რომელსაც ყოველგვარი ქირურგიული ოპერაციის გარეშე, საქართველოს მოსახლეობა ოქტომბერში მოიშორებს",- განცხადა ოთარ ჩრდილელმა.