ცნობილი ამერიკელი ჟურნალისტი და რადიო „თავისუფლების“ მრჩეველი დევიდ სეტერი, რუსეთმა ქვეყანაში არ შეუშვა. ინფორმაციას ამის შესახებ რადიო „თავისუფლება“ ავრცელებს.

როგორც „თავისუფლების“ პრეზიდენტი კევინ კლოსი აცხადებს, შემთხვევის შესახებ აუცილებლად აცნობებენ მოსკოვში, აშშ-ის საელჩოს. უშედეგოდ დასრულდა აშშ-ის საელჩოს მცდელობა, რუსეთის საგარეო საქმეთა სამინისტროდან განმარტებები მოეპოვებინა სეტერის რუსეთში არშეშვებასთან დაკავშირებით.

ჟურნალისტი დევიდ სეტერი სხვადასხვა წლებში მუშაობდა Financial Times-ში, ასევე ის იყო The Wall Street Journal- ის ერთ-ერთი წამყვანი კორესპონდენტი. რუსეთში  მუშაობა 1969 წელს დაიწყო.  2013 წლის სექტემბრიდან მოყოლებული კი მოსკოვში რადიო „თავისუფლების“ და რადიო „თავისუფალი ევროპის“ მრჩევლად მუშაობდა.