ბრაზილიაში გამართულ პრესკონფერენციაზე ჰოლანდიელმა ფეხბურთელმა კლარენს ზეედორფმა დაადასტურა, რომ ფეხბურთელის კარიერა დაასრულა და "მილანის" მწვრთნელი გახდება.
ზეედორფი ბოლო პერიოდში "ბოტაფოგოში" თამაშობდა და ხსენებულ კლუბში კარიერის გაგრძელებას კიდევ ნახევარი წელი აპირებდა. თუმცა, მასიმილიანო ალეგრის გადადგომამ და "მილანის" შეთავაზებამ გეგმები შეაცვლევინა.
"მინდა განვაცხადო, რომ 22-წლიანი კარიერის შემდეგ, ფეხბურთის თამაშს თავს ვანებებ. ეს რთული ღამის მერე გადავწყვიტე. ჩემი კარიერით კმაყოფილი ვარ. ასევე, კმაყოფილი ვარ, რომ "ბოტაფოგოსთან" ერთად ლიბერტადორესის თასზე გავაღწიე. კლუბი მენტალურად უფრო ძლიერი გახდა. ეს გამოცდილება, რომელიც ბოლო წელიწადნახევრის განმავლობაში მივიღე, "მილანის" მწვრთნელის რანგში ძალიან გამომადგება" - football-italia.net-ი იუწყება.
(მოამზადა ანა ნოდიამ)
