ოქროს ჟოლოს 34-ე დაჯილდოების მთავარი ფავორიტი დენის დუგანის ფილმი „Grown Ups 2" იქნება. ნამუშევარი ყველა, ცხრა, ნომინაციის მთავარი ფავორიტია.

წელს ყველაზე ცუდი ფილმისთვის განკუთვნილ ოქროს ჟოლოს ერთმანეთს  „After Earth",  „Grown Ups 2", „The Lone ranger", „movie 43"  და „A Madea Christmas"  შეეცილებიან.

2013 წლის ყველაზე ცუდი მსახიობი მამაკაცი ჯონი დეპი, ეშტონ კატჩერი, ადამ სენდლერი, ჯეიდენ სმიტი ან სილვესტერ სტალონე გახდება. ხოლო, ქალის როლის ყველაზე ცუდად შესრულებისთვის ოქროს ჟოლოს მოპოვება კი ჰოლი ბერის, ნაომი უოტსს, ტაილერ პერის, სელენა გომესს და ლინდსი ლოჰანს  შეუძლიათ.

რეჟისორები დენის დუგანი, ნაით შიამალანი, გორ ვერბინსკი, ტაილერ პერი და ნამუშევრის „ფილმი 43" ცამეტივე შემქმნელი ერთმანეთს, წლის გამორჩეულად ცუდი რეჟისორის ტიტულს შეეცილებიან.

ოქროს ჟოლო წლის ყველაზე ცუდ მხატვრულ ფილმებს, მსახიობებსა და რეჟისორებს გადაეცემათ. ის ოსკარების პაროდიაა, რომელიც ამერიკის კინოაკადემიის დაჯილდოებამდე იმართება.

ოქროს ჟოლოს დაჯილდოება პირველ მარტს გაიმართება.