„მიმდინარე წელს ხარაგაულის მუნიციპალიტეტში ინფრასტრუქტურის მოსაწესრიგებლად რეგიონებში განსახორციელებელი პროექტების ფონდიდან პირველ ეტაპზე 2 109 544 ლარი დაიხარჯება", - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტრო ავრცელებს.

აღნიშნულ მუნიციპალიტეტში ადგილობრივმა ხელისუფლებამ პრიორიტეტულად მუნიციპალური მნიშვნელობის შიდა საავტომობილო გზების რეაბილიტაცია მიიჩნია. იგეგმება კიცხი-ხიდარის, ვარძია-წყალაფორეთის, ხარაგაული-ფარცხნალის (2,1 კმ)  გზების მოასფალტება.

საგზაო-სარეაბილიტაციო სამუშაოების გარდა, სამ სოფელში - ხიდარი, წყალაფორეთი, ბორითი -  საბავშო ბაღის მშენებლობა დაიწყება.

ასევე დამონტაჟდება გარე განათება  ხარაგაული-საქარიქედის (4 კმ,) ისლარი-ფარცხნალისა და  (1 კმ), ბორითი-მაქათუბანის გზის მონაკვეთებზე.

მთავრობამ რეგიონული განვითარების სამთავრობო კომისიის მიერ წარდგენილი 7 პროექტი უკვე დაამტკიცა.

შესრულებულ სამუშაოებს მონიტორინგს საქართველოს რეგიონული განვითარებისა და ინფრასტრუქტურის სამინისტრო გაუწევს.