ქართველმა მაშველებმა მწვერვალ შხარაზე ჩარჩენილი პოლონელი მთამსვლელები გადაარჩინეს. სამაშველო ოპერაცია შს სამინისტროს საგანგებო სიტუაციების მართვის დეპარტამენტმა მესტიის სახანძრო-სამაშველო მუნიციპალულ სამსახურთან ერთად ჩაატარა. შინაგან საქმეთა სამინისტროს საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველოს უფროსის, გიორგი ძაგნიძის განუცადებით, მთასვლელები შხარაზე სამი დღის განმავლობაში იყვნენ ჩარჩენილი და რთული მეტეოროლოგიური პირობების გამო ვერ გადაადგილდებოდნენ. ამჟამად ალპინისტების მდგომარეობა დამაკმაყოფილებელია და ისინი თავს კარგად გრძნობენ.