„ბი ბი სის“ მიერ გავრცლეებული ინფორმაციით,  ქაბულში თვითმკვლელმა ტერორისტმა რესტორან „ლიბანურ ტავერნაში“ თავი აიფეთქა, რის შედეგადაც 15 ადამიანი გარდაიცვალა. გარდაცვლილთა შორის საერთაშორისო სავალუტო ფონდის ავღანეთის ოფისის ხელმღვანელი  ვაბელ აბდალა და  გაეროს მისიის ოთხი თანამშრომელიც არიან .  შემთხვევას უკვე გამოეხმაურა გაერო-ს გენერალური მდივანი პან გი მუნი და მომხდარი საზარელ თავდასხმად შეაფასა.

"ყოვლად მიუღებელია ასეთი მიზანმიმართული თავდასხმები მოქალაქეების წინააღმდეგ. ეს საერთაშორისო ჰუმანიტარული სამართლის უხეში დარღვევაა", - განაცხადა გაერო-ს გენერალურმა მდივანმა.

ტერორისტულ თავდასხმაზე პასუხისმგებლობა „თალიბანის“ დაჯგუფებამ აიღო.